Əlaqə

Əlaqə məlumatları

İlk mesajda nə yazmaq lazımdır

Transfer üçün: tarix və saat, marşrut, uçuş nömrəsi varsa, neçə nəfər və neçə çamadan. Baqaj sayı nəfər sayından vacibdir. Dörd nəfər sedana sığır, dörd çamadan yox.

Tur üçün: hara, hansı tarixlər, neçə nəfər və uşaqların yaşı. Uşaq tarifi yaşa görə hesablanır, ona görə «kiçik uşaq» kifayət etmir.

Viza üçün: hansı ölkə, səfər tarixi və neçə ərizəçi. Vətəndaşlığı da yazın, çünki qaydalar pasporta görə dəyişir.

Aviabilet üçün: marşrut, tarixlər, sərnişin sayı və yaşlar. Tarix çevikdirsə, bunu da qeyd edin. Bəzən bir gün fərq qiyməti nəzərəçarpan dərəcədə dəyişir.

Nə vaxt cavab alırsınız

Mesajlara iş saatlarımızda baxırıq. Bu saatlardan kənarda yazılan mesaj itmir, sadəcə cavab səhər gəlir.

Sadə suala cavab adətən tez gəlir. Qiymət tələb edən sorğu bir az uzun çəkir, çünki cavab vermədən əvvəl həmin tarix üçün yer və tarif yoxlanılır.

Təcili haldırsınızsa, məsələn uçuş bu gün enirsə, mesajda bunu yazın. Növbəni ona görə qururuq.

Ofisə gəlmək

Ofisimiz müştəri qəbulu üçün nəzərdə tutulmayıb, ona görə ünvanı saytda göstərmirik. Bu, gizlətmək deyil: gəlib qapının bağlı olduğunu görmək heç kimə lazım deyil.

Bütün iş uzaqdan aparılır. Sənədləri WhatsApp-da göndərmək olur, təsdiqlər elektron formada gəlir.

Şəxsi görüş həqiqətən lazımdırsa, yazın və ayrıca razılaşaq.

Hansı dildə yazmaq olar

Azərbaycan, rus və ingilis dillərində cavab veririk. Hansı dildə rahatsınızsa, o dildə yazın.

Səhifələr də üç dildədir, amma bir-birinin tərcüməsi deyil: hər dil öz oxucusu üçün ayrıca yazılıb.

Səfər zamanı problem çıxarsa

Səfər davam edərkən nə isə səhv gedirsə, eyni yazışmaya yazın. Sifarişin bütün detalları orada olduğuna görə vəziyyəti yenidən danışmağa ehtiyac qalmır.

Sürücü görünmürsə, əvvəlcə görüş yerini yoxlayın. Hava limanında gəlişlər zalı ilə çıxış qapısı arasında fərq çox vaxt problemin özüdür. Sonra yazın, biz sürücü ilə əlaqə saxlayaq.

Oteldə otaq razılaşdırılandan fərqlidirsə, qəbulla mübahisə etməyin: fotoşəkil çəkib göndərin. Rezervasiya bizim adımızdadır və məsələni biz qaldırırıq.

Səfərdən sonra yazmaq da olar. Nəyin yaxşı, nəyin pis getdiyini bilmək növbəti sifarişi daha yaxşı qurmağa imkan verir.

Faydalı səhifələr

• Xidmətlər
• Transfer marşrutları və qiymətlər
• Viza bələdçiləri
• Tur paketləri
• RH Travel haqqında

Tez-tez verilən suallar

Yazın, cavab verək

Yuxarıdakı detalları bir mesajda göndərin ki, cavab birinci dəfədən qiymətlə gəlsin.